os nomes dos parentes
por iniciativa d'o pito, velaquí algúns datos curiosos dos nomes das vacas (case 600.000) que ten a base de datos coa que ando esta fin de semana.
nomes máis repetidos
6470 paloma
5850 linda
5787 pinta
5345 blanca
4402 cuca
4185 lucera
outros nomes pouco orixinais son marquesa (3687), luna (3533, 453 chámanse lúa), perla (3305), mora (3257), pastora (3219), negra (3071), morena (2730), parrula (2703), mona (2640), romera (2552), morita (2481), princesa (2465), estrella (2422, e hai só 59 "estrela"), careta (2377), diana (2347), bonita (2341), nova (2182), cachorra (2055), pichona (2007), gallarda (1941), rula (1917), mimosa (1815), mariposa (1649, 287 chámanse "volvoreta" ou "bolboreta") e roxa (1420).
221 vacas nadas a partir de 2002 levan por nome chenoa. o curioso é que, cando empezou a primeira edición de o.t. xa existían rexistradas aquí oito vacas con ese nome. iso é ter visión de futuro.
aínda non lle puxeron "leonor" a ningunha vaca nada en 2005.
trece vacas chámanse "prestige". seis delas naceron entre novembro de 2002 e febreiro de 2003.
unha vaca que naceu o 16/10/2002 chámase "nunca máis". tres posibilidades: 1) ten mal a data de nacemento na base de datos, 2) cambiáronlle o nome despois, 3) é de rapel.
hai outra que se chama "nunca máis" pero, esta si naceu en 2003.
151 vacas chámanse "rosalía".
120 vacas chámanse "novela" e unha só "poesía"! tal e como no sistema editorial.
nomes máis repetidos
6470 paloma
5850 linda
5787 pinta
5345 blanca
4402 cuca
4185 lucera
outros nomes pouco orixinais son marquesa (3687), luna (3533, 453 chámanse lúa), perla (3305), mora (3257), pastora (3219), negra (3071), morena (2730), parrula (2703), mona (2640), romera (2552), morita (2481), princesa (2465), estrella (2422, e hai só 59 "estrela"), careta (2377), diana (2347), bonita (2341), nova (2182), cachorra (2055), pichona (2007), gallarda (1941), rula (1917), mimosa (1815), mariposa (1649, 287 chámanse "volvoreta" ou "bolboreta") e roxa (1420).
221 vacas nadas a partir de 2002 levan por nome chenoa. o curioso é que, cando empezou a primeira edición de o.t. xa existían rexistradas aquí oito vacas con ese nome. iso é ter visión de futuro.
aínda non lle puxeron "leonor" a ningunha vaca nada en 2005.
trece vacas chámanse "prestige". seis delas naceron entre novembro de 2002 e febreiro de 2003.
unha vaca que naceu o 16/10/2002 chámase "nunca máis". tres posibilidades: 1) ten mal a data de nacemento na base de datos, 2) cambiáronlle o nome despois, 3) é de rapel.
hai outra que se chama "nunca máis" pero, esta si naceu en 2003.
151 vacas chámanse "rosalía".
120 vacas chámanse "novela" e unha só "poesía"! tal e como no sistema editorial.
Viuno así edu - 13:20
43 Comentarios:
Que bó a miña avoa tivo vacas con todos eses nomes (jajajaj).Non che parece raro que non haxa ainda ningunha Letizia?.
:)
por suposto que hai vacas que se chaman "letizia" así con z.
é que non mirara a lista completa, comprenderás, e só fun facendo buscas polas palabras que me viñeron á cabeza.
en concreto hai 262 vacas que se chaman así.
preguntade, preguntade por nomes e eu contesto.
Pois mira por "Rula e "Pomba", son che bonitos eh?.
:)
"rula" aparece na lista de arriba, hai unhas 1900. "pomba" hai bastantes, tamén, pero menos. unhas 1000, aproximadamente.
Menuda base de datos que manexas...
:)
Ti que nome lle poñerías á túa vaca?.
:)
Vendo a estatística comprobo o pouco orixinais que foron os meus pais poñendolle nome ás vacas -cando as tiñamos-, non lembro ningún nome que non estea recollido neses 40 principais.
mmm... para empezar, eu que son vaca non tería unha vaca.
un touro, se acaso... penso :-P
pregúntome, logo, que nome me gustaría ter (porque ter xa teño un, aínda que non mo coñezades :-)
...non sei... a verdade é que nunca pensei en ter outro nome...
gústame o meu...
moi ben, señor pito! 7 vacas chamadas "gayosa".
e si, máis de 400 chamadas "piñeira"...
confío ter de man esta base de datos moito tempo. vaime o alimento niso.
¿Cuantas hay que se llamen "Vaca"? Pq conozco perros que se llaman "Perro" y gatos que se llaman "Gato". Veamos cuanta gente poco original hay.
unha pregunta curiosa, si señor.
as buscas de nomes de vacas non se poden facer [nome] é igual a [vaca] porque hai moitas vacas que, a maiores de nome de andar por casa teñen un número engadido.
entón hai que buscar [nome] inclúe [vaca] digamos.
así, saen 56 vacas. algunhas delas chámanse exactamente "vaca". en concreto 9.
despois hai varias con números: "6442 vaca", "44 vaca", etc.
pero, a maiores, a súa busca permitiume encontrar algunhas pérolas interesantes: "vaca dos cornos", "mi vaca", varias "vacaloura" (obviamente) e, o mellor: unha "vacatola".
como son a primeira arxentina da miña familia galega, non tiven vacas en casa. Pero lin fai tempo unha nota en El Pais que dicía: "Y darle un nombre no es asunto cualquiera. Si se llama Viaxeira es de las que hacen camino por su cuenta o de las que vienen de fuera, que también podría llamarse Forasteira. Linda, sí es guapa, bien proporcionada. O Mona. También Bonita. Sevillana, si es graciosa. Gallarda, si es noble y atiende a cualquier razón. Marella, rubia clara. También admite nombres propios: Renata,
Elvira. Un millón de vacas hay en Galicia y el sonido de sus nombres es música en sus verdes prados. Así debió haber sido siempre".
Eu, cando teña a miña primeira vaca, vou chamá-la Galiza. Ainda que neste país ninguén lle pon nome ás vacas.
Ven sei que é vaca máis por esa razón pode parir e ter unha vaquiña. Que nome lle poñería nise caso?
hei recoñecer que a miña creatividade a respecto de nomes de vacas é cativa...
pero quedei onte á noite pensando e veume á cabeza que unha vez se me ocorrera un nome para gata que ben pode valer para vaca: buma.
pódese investigar por aí. igual torredebabel sabe de onde me vén esa idea. esta mañá deixei por unhas horas o meu negocio de gando vacún porque me toca traballar con gando docente. chámase investimento diversificado.
esta tarde prometo facer unhas buscas e contarvos por todos eses nomes que menta torredebabel (algúns xa están na lista inicial). sospeito que debe haber varias "galicia" e algunhas (menos) "galiza".
e quero saber se hai algunha "buma".
pois non hai aquí ningunha vaca que se chame "viaxeira"...
pilleivos! pensabades que era este un país normalizado! pois non. hai unha vaca que se chama "viajera".
tamén hai dúas "forastera".
hai 139 "sevillana" e, para compensar ese arrouto de españolidade, 655 vacas "marela" (menos mal!).
vacas con nome de muller debe haber unha chea delas. para simplificar comprobei as dúas que suxire a cita de torredebabel: hai 137 "renata" e 280 "elvira". tamén hai 579 "maria" e 150 "carme" ou "carmen".
hai 23 vacas que se chaman "galicia" e 9 que se chaman "galiza", ai, estes rojillos! estanche por todas partes!
Hai algunha vaca que se chame "Troula"?
:)
efectivamente, marinha, hai trinta vacas que se chaman "troula".
tamén vos confirmo, que esquecín facelo antes, que non hai ningunha "buma", así que o nome que me gusta a min é tremendamente orixinal.
non sei por que me deu por facer a seguinte búsqueda insólita que, curiosamente, devolveu resultados: hai unha vaca "difunta" -e ningunha "defunta"- e unha vaca "morta" (también hai unha "mortadela") e, porén, ningunha vaca "muerta".
en realidade hai unha chea de vacas mortas na miña base de datos. a "difunta" e mais a "morta" entre elas, obviamente.
ollo, o nome Buma eche moi apropiado para unha vaca (ou gata) melancólica e xenial. Conteiche que eu tamén nacín en Avellaneda? claro que con moito menos talento do que ela tiña...
Este asunto dos nomes das vacas tenme moi interesada. Poderíase escribir un estudo sociolóxico sobre os nomes que as persoas escollen para as vacas, non?
Unha nena urbanita preguntoume como lle chamabamos á vaca. Eu díxenche: "bucha", ela tomouno como nome propio e todos contentes.
Éche o que teñen os núcleos semiurbanos.
Eu, desque coñecín a un pastor alemán de Bembibre-Val do Dubra que se chamaba José Manuel, xa non me asusto de nada. ¿Apeteceríache que sacara algo disto das vacas, citándote, claro, na Voz? Encantado de atoparte. Engádote aos favoritos
rabudo: eu por min encantado, pero creo que aí si deberiamos comentarllo aos xefes... que unha cousa é unha cousa e outra cousa é outra cousa...
mándame un mail ao enderezo do ollo da vaca e falámolo.
Fascinante. Cheguei tarde a este post e é o único que podo dizer. Fascinante.
pois eu teño unha vaca que se chama leonora, por iso de que es máis feminino e de categoría ca leonor, bueno vaca-vaca inda non é (pero algun día o será) naceu o 1 de novembro.
algúns datos adicionais sobre os nomes das vacas:
a procura por "leonor" que fixera ao comezo non estaba ben feita. hai, efectivamente, case 70 vacas que se chaman "leonor". de todos os xeitos, todas son máis vellas cá infanta idem.
canto ás vacas que se chaman "vaca", cómpre engadir: 28 vacas que se chaman "bucha", unhas 350 "pucha", unhas 1600 "xata", unhas 520 "xuvenca" ou "xovenca" e unha "ternera".
en relación con outros nomes "célebres", hai preto de 90 vacas que se chaman "balbina", obviamente.
hai algúns nomes divertidos que inclúen a palabra "cornos": "cornos grandes", "cornos cortados", "cornos pequenos" e "vaca dos cornos" que a min me soa a "vaca do carallo", non sei por que.
finalmente, hai tres vacas "caralluda", e hai unha vaca "gilipollas", miña pobre...
hei darlle un repaso, si, aos nomes nobiliarios e mais a algún outro que se me ocorre por ese estilo... a ver se esta tarde hai tempo.
canto á "laverca" supoño que nomes de paxaros tamén poden dar de si. xa está "paloma" nos 40 principais. e seguramente haberá outras.
e "rabuda" seguro que tamén hai. e outras polo estilo...
sempre se pode explorar outros campos léxicos...
moi boa antoloxía, abofé.
Non vin o nome dun top10 da miña familia materna: A Cereixa, que eran unhas vacas con pedigrí. Tamén había algunha Ratina ou Pintas (sonvos dunha bisbarra de castes autóctonas, e as pintas eranvos as menos).
Polo demáis non é de extrañar que bauticemos as vacas, se a miña avoa coidou máis delas que das fillas e sei dalgún caso extremo no que as limpaban todos os días (ian ben lustridiñas elas).
Pois as derradeiras vacas que tivo a miña avoa chamábanse Parda e Gazarra, palabra esta que non sei se sae no dicionario.
seguimos: 635 vacas "cereixa" (e 43 "mazá", "mazaira" ou "maceira".
"ratina" non é, nemeth, tampouco un nome moi orixinal: hai aquí máis de 60 vacas con ese nome.
nesta base de datos non hai ningunha "stradivarius" pero o nome deume unha idea e busquei: unha "lenin", tres "troski", 36 "mao" (que deben ter, en realidade, outra inspiración), 5 "buda" (non vale facer comentarios sobre a miña estraña capacidade de asociación de ideas).
pawley, a túa avoa non foi moi orixinal, como podes imaxinar, coa "parda". teño aquí preto de 1000 que se chaman así. algo máis coa "gazarra", só hai aquí 3 con ese nome.
"75"? peor é chamarlle "739". aínda que dea un aspecto de maior prosperidade.
e loura?... nom hâ uma vaca loura (um dos nomes máis fermosos que podería ter uma vaca...
hai unhas cantas vacas que se chaman "loura" (nesta base de datos, máis de 600). unhas poucas, como xa dixen antes, chámanse "vacaloura" e mais hai algunhas "peloura".
Busca 'Manhattan' que seguro que hai algunha.
"anonymous", é vostede vidente? ou é o dono da "manhatan" (cun "t" só)?
Son irman da madriña... Para cando un XML ou CSV con SELECT count(id) AS num, nom_vaca FROM vacas GROUP BY nom_vaca ORDER BY num ?
Teño que comentar neste post. De pequena poñíalles eu o nome ás vacas: Samba, Funny (lido fany, claro, pero como empezaba a aprender inglés na escola...), Ronda, Chita, .... Menos mal que non me pillou a infancia con Operación Triunfo...
EU TEÑO UNHA QUE SE CHAMA "VACANAL".
Encontrei hoxe este post. Parabéns, é moi interesante. Na aldea temos vacas con moitos nomes dos que xa dixestes. E rubias? Non hai moitas chamadas "Rubia"? Tamén seguro que hai bastantes blancas, e menos brancas.
Saúdos
Hoxe na Voz de Galicia: http://www.lavozdegalicia.es/se_sociedad/noticia.jsp?CAT=105&TEXTO=4351475
Eu conheço umha que se chama Irene e é a minha ex-mulher. :)
Toura, Marela, Pinta... Canto tempo ia que non lembraba os nomes das 'miñas' vacas. Era eu un rapaz "sudaca" que nunca vira nada mais grande que un Kan e... As tardes que pasei nos prados coas vaquiñas e un libro.
Parece confirmarse unha tendencia ós nomes casteláns (mariposa, luna, estrella) sobre os galegos (bolboreta, lúa, estrela). Se atopas 6.470 Palomas e 5.345 Blancas, ¿podes mirarnos cantas Pombas hai? ¿E cantas Brancas? Faime tamén, por favor, a busca de Blanquitas e Branquiñas.
Hola, xente!.
O do blog este comentoumo unha amiga e ós poucos días xa o vin na Voz...cal non foi a miña sorpresa!!. Noraboa, é do máis interesante.
Sobre o bautizo das vacas podería estar falando horas, é unha das miñas actividades preferidas e teño unhas pequenas reglas, como:
- nunca poñer nomes de muller. No país onde a palbra máis cariñosa que moitos homes lle adican ás súas mulleres é " anda, burriña" a cousa ten o seu aquel!.
- respeta-las sagas familiares, hai nomes que crean familias de liña materna, por suposto!!.
E así ata aburrir, cousa que non quero facer.
Saúdos, Milena.
Cantos recordos... Meus avós tiveron vacas ata que eu tiven quince anos, e recordo á "Cunchada" (na que eu soía montar aos tres ou catro anos), a "Marela", a "Moura", a "Diana"... ¿Pódesme dicir se hai algunha chamada "Beatriz"? Sei dunha persoa á que lle gustará moito sableo (ou quizais non).
sempre asombra ver como perviven os vellos éxitos...
efectivamente, xacobe da soneira, hai 65 vacas que se chaman dun xeito ou doutro "beatriz".
e mais busquei por "bea" e tamén saen outras cantas. aínda que difíciles de contar porque, xunto coas "bea" a secas e as "bea-1708", "bea 306", etc, mistúranse "beate", "melibea", "xacobea" e outras similares...
Enviar um comentário
<< Voltar