10.2.06

final da semana

tiven unha semana bastante liada que non me deixou tempo para (cáseque) ningunha das cousas que fago por pracer.

pero non quero deixar rematar a semana sen deixar constancia aquí do meu agradecemento ao fado por estes dous regalos que nos deixa: a marcha ex-patrón coas súas ex-patronadas para a capital do reino veciño. que vaia con deus. e mais a marcha do aínda-patrón cara a un sitio no que se sentirá moito máis na súa salsa, onde non terá a quen mandonear, e dende onde deixará de incordiar.

o asunto da lingua (sempre presente cando falamos de mr. pacou) colleu corporeidade un par de veces esta mañá para min. a primeira foi escoitando a tertulia da radio galega onde os tres convidados (non sei e prefiro non saber os seus nomes) perpetraron a lingua falando do tema ata que (menos mal) cheguei ao traballo e apaguei a radio.

a continuación, atopei un correo electrónico de torredebabel e, despois de lelo, fun facerrlle unha visita ao blog. ver blogs é unha das cousas que esta semana case non fixen. convídovos de modo entusiasta a ler con calma o extenso post que colgou antonte onde podemos ser testemuñas dunha actitude da que ben tería que aprender o novo señor embaixador.

a semana deu tempo tamén para algún encontro sempre adiado e para revisar algún poema do libro en construción que agardo poder colgar a semana que vén.

2 Comentarios:

Anonymous Anónimo dixo...

Moi ocupado anda, terá que tomar un respiro.
Unha aperta.
:)

10/2/06 22:14  
Blogger torredebabel dixo...

pois, moitas gracias, señor ollo. A sua visita sempre é un agasallo.

13/2/06 01:24  

Enviar um comentário

<< Voltar